வணக்கம்!

அனைவருக்கும் எனது வணக்கங்கள்! இது நாள் வரை எனது பயண அனுபவங்களை என் குறிபேடுகளில் எழுதி வந்த நான், இன்று முதல் எனது அனுபவங்களை இந்த வலைபதிவில் எழுத முற்படுகிறேன். இந்தியாவில் இமயம் முதல் குமரி வரை உள்ள வரலாற்று சிறப்பு வாய்ந்த மற்றும் ஆன்மீக தொடர்பு உடைய பல்வேறு இடங்களை காணும் பேறு பெற்றுள்ளேன். மிக குறிப்பாக என் மனைவியுடன் கேதார்நாத், பத்ரிநாத் போன்ற ஸ்தலங்கள் மற்றும் பன்னிரண்டு ஜோதிர் லிங்க க்ஷேத்திரங்களையும் தரிசிக்கும் வாய்ப்பினை பெற்றுள்ளேன். அண்மையில், தனியே நேபால் வரை சென்று பசுபதிநாத் கோவிலும், இமய மலை சிகரத்தையும் கண்டு களித்துள்ளேன். தற்போது எனது மனைவியுடன் எனது மகனை காண அமெரிக்கா வந்துள்ளேன். இங்கு நான் காணும் இடங்களை பற்றியும், எனது அனுபவங்களையும் இந்த வலைபதிவில் எழுத முற்படுகிறேன். விரைவில், "என் பார்வையில் அமெரிக்கா"....!