Baltimore Aquarium and Siva Vishnu Temple

NATIONAL AQUARIUM, BALTIMORE, MARYLAND:

இதுமிக பெரிய மீன் அருங்காட்சியகம் ஆகும். இதனை ஐந்து பகுதிகளாக பிரித்து, தண்ணிரின் நடுவே ஐந்து நிலைகளில் உள்ள escalator மூலம் ஒவ்வொரு மாடியையும் கடந்து மேலே சென்று பல நிலைகளில் உள்ள நீர் வாழ் உயிரினங்களையும் காணலாம். அவைகளை பற்றி பல குறிப்புகளை எழுதி வைத்துள்ளனர். அந்த அருங்காட்சியை காண அதிக நேரம் தேவை.

Level 1: Wings in the water

Level 2: Maryland Mountain to the Sea

Level 3: Surviving through Adaptation

Level 4: Sea cliffs, kelp forest, Pacific coral reef, Amazon river forest

Level 5: Upland Tropical Rain Forest hidden life

'என பிரித்துள்ளனர்.

இவைகளில் என்னை கவர்ந்தவை 4 D IMMERSION THEATRE. இதில் ஒலி ஒளீ அமைப்பு முற்றிலும் மாறுபட்டது. நம் மீது தண்ணீர் தெளிப்பது போலவும், முதலை நம் காலை தொடுவது, முதுகில் பாம்பு குத்துவது போலவும் மிகவும் தத்ரூபமாக உள்ளது. என் வாழ்நாளில் இது முதல் அனுபவம் ஆகும். இந்த சிறப்பு காட்சி 15 நிமிடங்கள் நம்மை பிரமிக்க வைக்கிறது. (Special Sensory Effect, such as Mist, Wind,etc.). வேறு எங்கும் காண முடியாது.

பின்பு டால்பின் செய்யும் வீர சாகச விளையாட்டை முப்பது நிமிடங்கள் கண்டு களித்தோம். இசைகேற்ப டால்பின்கள் நடனமாடுகின்றன. பந்து விளையாடுகிறது. மிக உயரே எம்பி குதிக்கிறது.நம் மீது நீர் தெளிக்கிறது.இதற்கு தனி கட்டணம் உண்டு.

அடுத்ததாக ஜெல்லி என்ற அபூர்வமான மீன் வகை கலர் கலராக கண்ணுக்கு விருந்து அளிக்கிறது . இதை தவிர சுறா மீன்கள் குண்டு, தட்டை என பல உருவ வேறுபாடுகளில் காட்சி அளிக்கிறது . இவை அனைத்தும் நன்கு பராமரிக்க படுகிறது.

சிவா விஷ்ணு கோவில் (LANHAM) :

நாங்கள் அமெரிக்க பயணத்தில் முதலில் பார்த்த கோவில் இது ஆகும். சனி கிழைமை பாலாஜி தர்சனம் நல்ல சிறப்பான ரோஜா மலர்கள், மாலைகள், என அலங்காரத்துடன் காண பெற்றோம். மற்றும், ஸ்ரீ விநாயகர், துர்க்கை, ராமர், அவர் மடியில் சீதை அமர்ந்த கோலம், மற்றும் லக்ஷ்மணர் , நவக்ரகங்கள் , பள்ளிகொண்ட நிலையில் பெருமாள், வீணை சரஸ்வதி, லக்ஷ்மி, ராமநாத சுவாமி, பார்வதி, ஆஞ்சநேயர், நரசிம்மர், சுதர்சனர் மற்றும் ஐயப்பன், என பல சன்னதிகள் உள்ளன.

இங்கு அமெரிக்கா பாணியிலேயே கோவில் நன்கு சிறப்பாக பராமரிக்க படுகிறது . இங்கு பிரசாதம் விற்கும் இடத்தில் இட்லி சாம்பார், புளியோதரை, சாம்பார் சாதம், தயிர் சாதம், முறுக்கு , தட்டை ஆகியவை விலைக்கு கொடுக்கிறார்கள். இங்கு மகர சங்கராந்தி அன்று இருமுடி கட்டி பதினெட்டாம்படி ஏறி ஐயப்பனை வணங்குகிறார்கள். கோவிலுக்கு ரோஜா மலர் தோட்டம் உள்ளது.

அன்று மாலை மகிழ்ச்சியுடன் வீடு திரும்பினோம்!